भारतीय सेनाको टाउको काट्न विशेष टिम तयार !

१८ असोज, एजेन्सी । पाकिस्तानको सीमा क्षेत्रमा भारतीय सेनाको टाउको काट्नका लागि आतंकबादीको विशेष टिम तयार भएको भारतीय सञ्चार माध्यमले जनाएका छन् । गुप्तचर सूचनाः यिनीहरुले गर्न सक्छन् भारतीय सेनामाथि आक्रमण पाकिस्तान प्रशिक्षित र समर्थित आतंकबादी समूहले विशेष ‘बोर्डर ऐक्सन टीम’ तयार पारेको समाचारमा जनाइएको छ । भारतीय गुप्तचर सूचनाका आधारमा प्रकाशित यो समाचारमा यो विशेष टिमले भारतीय सेनाको टाउको काट्ने विशेष तालिम लिएको छ । सन् २०१३ मा लश्कर-ए- तोइबा सम्बद्ध आतंकबादीहरुले लाइन अफ कन्ट्रोलमा एक भारतीय सैनिक जवानको टाउको काटेका थिए । उक्त घटना जस्तै अवस्था दोहोरिने खतरा पनि गुप्तचर सूचनाको हवला दिँदै औंल्याएको छ ।

रिपोर्टमा आतंकबादीहरुले बारामुला आक्रमणपछि त्यहाँ झण्डा फहराउने भारतीयहरुमाथि आक्रमण गर्ने तयारीमा आतंकबादीहरु रहेको उल्लेख छ । बारामुला जिल्लामा लश्कर र हिजबुल मजाहिदिन जस्ता आतंकबादी संगठनको पकड रहँदै आएको छ ।